ಮನೆ ಬಾಗಿಲು ಬಡಿದ 10 ಅಡಿ ಉದ್ದದ ಮೊಸಳೆ!

Team Udayavani, Feb 15, 2019, 4:37 AM IST

ಬಾಗಿಲನ್ನು ಯಾರಾದರೂ ಜೋರಾಗಿ ಬಡಿಯುತ್ತಿದ್ದರೆ ಒಳಗಿದ್ದವರಿಗೆ ಆತಂಕವಾಗುವುದು ಸಹಜ. ಅಮೆರಿಕದ ಫ್ಲೊರಿಡಾದಲ್ಲಿ ಮಹಿಳೆಯೊಬ್ಬರಿಗೆ ಇದೇ ಅನುಭವವಾಗಿದೆ. ಬಾಗಿಲಾಚೆ ನಿಂತಿದ್ದ ಆಗುಂತಕನ ಬಗ್ಗೆ ತಿಳಿದಾಗ ಅವರಿಗೆ ಭೂಮಿಯೇ ಬಾಯ್ಬಿಟ್ಟಂತೆ ಆಗಿದೆ. ಇಲ್ಲಿಯ ಮೆರ್ರಿಟ್‌ ಐಲ್ಯಾಂಡ್‌ನ‌ ಗೆರಿ ಸ್ಟಾಪಲ್ಸ್‌ ಎಂಬ ಮಹಿಳೆ ಮನೆಯೊಳಗೆ ಕೆಲಸಕಾರ್ಯದಲ್ಲಿ ಮಗ್ನರಾಗಿದ್ದಾಗ, ಯಾರೋ ಜೋರಾಗಿ
ಬಾಗಿಲು ತಟ್ಟಲು ಆರಂಭಿಸಿದರು. 

ಸದ್ದಿಗೆ ಆತಂಕಗೊಂಡ ಗೆರಿ ಭಯದಿಂದಲೇ ಬಾಗಿಲ ಬಳಿ ಹೋಗಿ ಕಿಟಕಿಯಿಂದ ಅಣಕಿ ನೋಡಿದಾಗ 10 ಅಡಿ ಉದ್ದದ ದೈತ್ಯ ಮೊಸಳೆ ಅವರಿಗೆ ಕಂಡಿದೆ. ಇನ್ನೇನು ಅದು ಬಾಗಿಲು ಮುರಿದು ಒಳಗೆ ಬರುತ್ತದೆ ಎಂದು ತಿಳಿದ ಅವರು ಮಹಡಿಗೆ ಹೋಗಿ ನೆರೆಹೊರೆಯವರಿಗೆ ಮೊಸಳೆ ಬಂದಿರುವುದಾಗಿ ಕೂಗಿ ಹೇಳಿದ್ದಾರೆ. ನೆರೆಮನೆಯವರು ಮೊಸಳೆಯನ್ನು ಓಡಿಸಲು ಪ್ರಯತ್ನಪಟ್ಟರೂ ಆಗದೇ ಇದ್ದಾಗ ವನ್ಯಜೀವಿ ಇಲಾಖೆಗೆ ಕರೆ ಮಾಡಿ ಅವರ ನೆರವು ಪಡೆದುಕೊಂಡಿದ್ದಾರೆ. ದೈತ್ಯ ಮೊಸಳೆ ಮಾನವರಿಗೆ ಅಪಾಯ ತಂದೊಡ್ಡುವ ಹಂತ ತಲುಪಿದ್ದ ಕಾರಣ ಅದನ್ನು ಗುಂಡಿಟ್ಟು ಕೊಲ್ಲಲಾಯಿತು ಎಂದು ವನ್ಯಜೀವಿ ಇಲಾಖೆ ತಿಳಿಸಿದೆ.

https://beta.udayavani.com/vinoda-special/florida-woman-catches-10-foot-alligator-pounding-on-her-front-door

ಈ ವಿಭಾಗದಿಂದ ಇನ್ನಷ್ಟು

  • ರೆಸ್ಟೋರೆಂಟ್‌ಗಳಲ್ಲಿ ತಿನ್ನುವ, ಆನ್‌ಲೈನ್‌ನಲ್ಲಿ ಆರ್ಡರ್‌ ಮಾಡಿ ತರಿಸುವ ಆಹಾರದಲ್ಲಿ ಮಣ್ಣು, ಕಲ್ಲು, ಜಿರಳೆ ಸಿಕ್ಕ ಸುದ್ದಿಯನ್ನು ನೀವುಓದುತ್ತಲೇ ಇರುತ್ತೀರಿ...

  • ಸೌದಿಯ ವಿಮಾನವೊಂದು ಟೇಕ್‌ ಆಫ್ ಆದ ಕೆಲವೇ ಕ್ಷಣಗಳಲ್ಲಿ ಕಿಂಗ್‌ ಅಬ್ದುಲ್‌ ಅಜೀಜ್‌ ಇಂಟರ್‌ನ್ಯಾಷನಲ್‌ ವಿಮಾನ ನಿಲ್ದಾಣಕ್ಕೆ ಮರಳಿದೆ. ಮಹಿಳಾ ಪ್ರಯಾಣಿಕರೊಬ್ಬರು...

  • ಮದುವೆ ಮೂಹೂರ್ತದ ವೇಳೆ ವರ ಕಂಠ ಪೂರ್ತಿ ಕುಡಿದು ಬಂದರೆ ವಧು ಮತ್ತು ಆಕೆಯ ಸಂಬಂಧಿಗಳಿಗೆ ಹೇಗಾಗಬೇಡ? ಬಿಹಾರದ ದುಮ್ರಿ ಚಾಪಿಯ ಗ್ರಾಮದಲ್ಲಿ ವರ ಕುಡಿತು ತೂರಾಡುತ್ತಾ...

  • ಮೇಕೆ ಎಲ್ಲಾದರೂ "ಮೇಯರ್‌' ಹುದ್ದೆಗೇರಿದ್ದನ್ನು ಕೇಳಿದ್ದೀರಾ? ಮಕ್ಕಳ ಕಥೆ ಪುಸ್ತಕಗಳಲ್ಲಿ ಇಂಥ ಕಾಲ್ಪನಿಕ ಕಥೆಗಳನ್ನು ಓದಿರಬಹುದು. ಆದರೆ, ಅಮೆರಿಕದ ಹಳ್ಳಿಯೊಂದರಲ್ಲಿ...

  • ಪೊಲೀಸರಿಂದ ರಕ್ಷಿಸಲ್ಪಟ್ಟಿದ್ದ ಬೀದಿ ನಾಯಿ ಮರಿಯೊಂದು ಈಗ ಪಶ್ಚಿಮ ಬಂಗಾಳದ ಪ್ರತಿಷ್ಠಿತ ಶ್ವಾನ ಪಡೆಗೆ ಸೇರ್ಪಡೆಯಾಗಿದೆ. ಇದು ಪಶ್ಚಿಮ ಬಂಗಾಳ ಶ್ವಾನ ಪಡೆಗೆ...

ಹೊಸ ಸೇರ್ಪಡೆ